У актавай зале ліцэя 2 мая 2018 года адбылося адкрыццё тыдня гісторыі “МАЯ БЕРАСТАВІТЧЫНА”. Свой міні-праект“Выдатныя асобы Бераставіцкага краю: гістарычная рэтраспектыва” прэзэнтавалi навучэнкі 2 курса ліцэя Навіцкая Вераніка і Марозік Іна .
Стагодзямі складалася гісторыя нашай малой Радзімы, Бераставітчыны. Тут нарадзіліся, жылі і працавалі выдатныя асобы, такія, як Осіп Кавалеўскі, Юрый Мнішак, Кастусь Каліноўскі, Ігнат Анацевіч, Станіслаў Манюшка і многія другія. Яны пакінулі свой след у гісторыі не толькі нашага краю, але і далёка за яго межамі.
У Год малой Радзімы асаблівая ўвага надаецца людзям, якія штодзённа дэманструюць адданасць сваёй справе і любові да роднай зямлі. Таму на меропрыемства быў запрошаны наш зямляк - Пацэнка Мікалай Іванавіч, гісторык, даследчык, літаратар, адзін з аўтараў "Кнігі памяці" Бераставіцкага раёна, навуковы супрацоўнік "ДУК" Музей Вавёркі ў Вялікай Бераставіцы», лаўрэат прэміі Прэзідэнта Рэспублікі Беларусь" За духоўнае адраджэнне ". Мікалай Іванавіч вельмі цікава і даступна распавёў навучэнцам ліцэя сваю біяграфію, бо да гэтага часу пры спатканнях ( а ён часты госць нашай установы адукацыі) гаварыў толькі пра гісторыю Бераставіцы і раёна, яе людзей і вельмі рэдка пра сваё жыццё, свае поспехі і дасягнення.
Усім было вельмі цікава. Мерапрыемства спадабалася сваёй непасрэднасцю, цеплынёй.