17 верасня навучэнцы каледжа прынялі ўдзел у Адзінай рэспубліканскай дыктоўцы, прысвечанай Дню народнага адзінства.

19 верасня ў Бераставіцкім дзяржаўным каледжы распачаўся тыдзень роднай мовы “Як ты дорага мне,мая родная мова!” І гэта сімвалічна,таму што тыдзень прымеркаваны да Дня народнага адзінства.

Напярэданні ў бібліятэцы была арганізавана тэматычная выстава па пытаннях сучаснай літаратурнай мовы, аў музеі “Спадчына” выстаўка, прысвечаная знакамітым землякам “Майстры слова”. 

Першы дзень тыдня пачаўся з урачыстай лінейкі, якую адкрыў дырэктар каледжа Э.У.Карвацкі.

Потым працавала творчая майстэрня, дзе навучэнцы майстравалі прыгожыя паштоўкі і віншавалі ўсіх са святам роднай мовы. Прэзентацыя віншавальшых паштовак “Пажаданні роднай мове”.

Навучэнцы 248 групы правялі акцыю”Размаўляй са мной па-беларуску”, анлайн –чэлендж “Мова кратны маёй”, марафон “Мова родная –мова модная”, дзе навучэнцы спявалі беларускія народныя песні.

20 верасня адбылася анлайн-акцыя “Натхнёныя Бацькаўшчынай”, дзе былі падрыхтаваны відэасюжэты пра знакамітых беларусаў.Гастранамічны фэст “Беларуская кухня” пазнаёміў навучэнцаў з стравамі беларускай кухні.

Мерапрыемствы гэтага дня завяршыла квэст-гульня”Фальклор,фальклор-душа народа”.

21 верасня адбыліся экскурсіі па памятным мясцінам Бераставіцы.

Асабліва запамінальным стаў конкурс творчых пісьмовых работ “За што я люблю родную зямлю”.Усе навучэнцы каледжа мелі магчымасць выказаць добрыя і шчырыя словы аб роднай зямлі. А для педагагічных работнікаў быў праведзены вэб-квест “Адукацыйнае падарожжа па родных мясцінах”,трансляцыя мульцімедыйных прэзентпцый “Адрасы педагагічнага вопыту”.

На працягу дня навучэнцы мелі магчымасць паудзельнічаць у флаер-фэсце “Мой родны кут,як ты мне мілы…”

Тыдзень завяршыўся выставай –конкурсам дзіцячай творчасці “Пад сінім небам”.Да 140-годдзя з дня нараджэняя народных паэтаў Беларусі Я.Купалы,і Я.Колоса, а таксама творчай акцыяй “Чытаем М.Танка разам”.

Падведзены вынікі тыдня.Пераможцы ўзнагароджаны граматамі каледжа.