У рамках тыдня Роднай мовы 16.02.2021 адбыўся адкрыты ўрок выкладчыка беларускай мовы і літаратуры Акудовіч Галіны Міхайлаўны. Тэма: Кандрат Крапіва. “Хто смяецца апошнім”. Эпіграф “Добра смяецца той, хто смяецца апошнім”.

Беларуская літаратура багатая на таленавітыя асобы, але і сярод іх творчая індывідуальнасць Кандрата Крапівы ўзвышаецца велічна, непаўторна, ярка. 5 сакавіка 2021 года мы будзем адзначаць 125-годдзе з дня нараджэння К. Крапівы

Праца на уроку была спланавана так, што вучні самастойна змаглі вызначыць асноўныя праблемы, узнятыя аўтарам у творы. Галіна Міхайлауўна тактоўна і паслядоўна падвяла навучэнцаў да думкі,  як трэба разумець канфліктныя сітуацыі, якія раскрываюцца ў п’есе. Вучні прыйшлі да высновы, што прозвішчы дзеячых асоб, падабраны так, што яны даюць характарыстыку іх вобразам.

Цікавым было і тое, як вучні вырашылі праблемнае пытанне “Чаму у жыцці знаходзіцца месца падхалімству, прыстасаванству, кар’ерызму, паклёпніцтву, пляткарству?”