Материалы
-механік-камбайнер - тэрмін навучання 3 месяцы;
Яно размяшчалася ў вёсцы Муравана Бераставіцкага раёна. Пад вучэбныя кабінеты і лабараторна-практычныя класы былі пераабсталяваны памяшканні маёнтка, дзе жыў граф, а таксама дапаможныя памяшканні: стайні, адрыны. Навучэнцы жылі на кватэрах у вёсках: Малая Бераставіца, Кавалі, Каменка, Спудзвілы.
Даводзілася дабірацца да месца вучобы за 2-4 кіламетры. Ацяпленне ва ўсіх класах і лабараторыях было пячное. У зімовы час навучэнцы не здымалі верхняй вопраткі, бо ў кабінетах было холадна. Сілкаваліся навучэнцы ў сталовай, якая знаходзілася ў чатырох кіламетрах ад вучылішча , у вёсцы Малая Бераставіца.
Першыя гады
Шмат цяжкасцяў прыйшлося перажыць у гады станаўлення вучылішча і педагагічнаму калектыву, і першым навучэнцам: бракавала падручнікаў і наглядных дапаможнікаў, матэрыяльная база складалася з аднаго трактара МТЗ-2 і аднаго аўтамабіля ЗІС-5, не было інтэрната.
За першы перыяд навучання з 1 лістапада 1954 года па 10 красавіка 1955 года было падрыхтавана і выпушчана 120 трактарыстаў і 120 механікаў-камбайнераў.
Загад № 1 па вучылішчы механізацыі сельскай гаспадаркі № 37 ад 1 лістапада 1954 года аб залічэнні ў склад навучэнцаў на 1 курс у групу № 1 па спецыяльнасці трактарыст - 30 чалавек.
Загад № 2 па вучылішчы механізацыі сельскай гаспадаркі № 37 ад 1 снежня 1954 года аб залічэнні ў групу № 2 на 1-шы курс 120 чалавек па спецыяльнасці механік-камбайнер.
Першых спецыялістаў для сельскай гаспадаркі рыхтавалі на працягу трох і шасці месяцаў.
Кантынгент навучэнцаў быў рознаўзроставы - ад 17 да 35 гадоў.
3-за недахопу педагогаў з вышэйшай адукацыяй працавалі выкладчыкі і з сярэдняй спецыяльнай адукацыяй. Шмат рабілася для добраўпарадкавання тэрыторыі вучылішча і яго вучэбнай базы.
Пад іх кіраўніцтвам праходзіла станаўленне і
развіццё навучальнай установы
Першым дырэктарам ”Бераставіцкага вучылішча механізацыі сельскай гаспадаркі"
з 1 верасня 1954 года па 27 верасня 1955 года
быў Буркін Васіль Навумавіч.
3 28 верасня 1955 года па 24 верасня 1964 года вучылішча ўзначальваў
Казімірскі Васіль Нікіціч.
3 25 верасня 1964 года па 1 лістапада 1967 года
дырэктарам з'яўляўся Батура Леанід Нікіфаравіч.
3 2 лістапада 1967 года па 5 кастрычніка 1976 года калектыў ўзначальваў
Семянюк Уладзімір Вікенцьевіч,
які аддаў сістэме прафтэхадукацыі 41 год свайго жыцця.
3 6 кастрычніка 1976 года па 21 студзеня 1985 года дырэктарам з'яўляўся
Дудар Мікалай Антонавіч, стаж працы якога ў гэтым вучылішчы перавысіў 40 гадоў.
22 студзеня 1985 года дырэктарам вучылішча быў прызначаны
Горбач Павел Аляксеевіч, які займаў гэтую пасаду па
22 лістапада 2004 года, стаж яго працы склаў 36 гадоў.
З 14 студзеня 2005 года па 21 студзеня 2015 года вучылішча ўзначаліў
(з 17.06.2008 УА "Бераставіцкі дзяржаўны сельскагаспадарчы прафесійны ліцэй" )
Мышко Уладзімір Уладзіміравіч.
3 1958 года ў ”Бераставіцкім ВМСГ” пачалі рыхтаваць трактарыстаў-машыністаў шырокага профілю.
У 1959 годзе колькасць выпускнікоў ”Бераставіцкага ВМСГ’’ перавысіла 1000 чалавек. Выпускніком, які атрымаў атэстат пад №1000 стаў Даннікаў Уладзімір Сцяпанавіч з вёскі Мацвееўцы, Ваўкавыскага раёна.
У 1961 годзе ў вёсцы Муравана было пачата будаўніцтва інтэрната на 500 месцаў. Гэты аб'ект быў здадзены ў 1965 годзе.
У 1963 годзе ”Бераставіцкае вучылішча механізацыі сельскай гаспадаркі" было перайменавана ў ”Бераставіцкае сельскагаспадарчае прафесійна-тэхнічнае вучылішча № 37”
Да гэтага часу ў "Бераставіцкім ВМСГ" было падрыхтавана 2438 спецыялістаў.
У 1971 годзе было распачата будаўніцтва новага навучальнага комплексу ў г.п. Бераставіца ў сувязі з тым, што старыя памяшканні прыйшлі ў непрыдатнасць і база вучылішча не адпавядала патрабаванням навучання. Комплекс на 600 навучэнцаў будаваўся за кошт сродкаў, заробленых на суботніку, прысвечаным 100-годдзю з дня нараджэння У.І. Леніна. Праектны кошт яго 1 млн. 800 тыс. рублёў. У 1975 годзе было скончана будаўніцтва і з 1 верасня 1975 года ў вучылішчы пачалі рыхтаваць спецыялістаў для сельскай гаспадаркі з сярэдняй адукацыяй. Да гэтага часу было падрыхтавана 8570 чалавек.
Навучэнцы і работнікі вучылішча прынялі актыўны ўдзел у працы на цалінных землях. 3 1960 года па 1979 год навучэнцы разам з майстрамі вытворчага навучання ад'язджалі ў Казахстан на ўборку ўраджаю:
- у 1960 годзе - 120 чалавек, 1961 годзе - 90 чалавек, 1964 годзе - 90 чалавек, 1967 годзе - 90 чалавек, 1970 годзе - 90 чалавек, 1972 годзе - 60 чалавек, 1973 годзе - 60 чалавек, 1978 годзе - 60 чалавек, 1979 годзе - 30 чалавек.
Усе гэтыя гады з групамі ад'язджаў на цаліну майстар вытворчага навучання Ільюшчанка С.Т., які адпрацаваў у навучальнай установе 38 гадоў.
Дасягненні навучальнай установы
За гады існавання навучальнай установы, навучэнцы, майстры прафесійнага навучання і педагогі не раз займалі прызавыя месцы ў абласных і рэспубліканскіх конкурсах.
- У 1968 годзе навучэнец групы № 9 Кухта Іван Станіслававіч заняў 1-ае месца ў вобласці, 1-ае месца ў Рэспубліцы ў конкурсе аратых сярод навучэнцаў прафтэхвучылішчаў.
- У 1973 годзе навучэнец групы № 5 Саловіч Антон Іосіфавіч заняў 1-ае месца ў БССР, 1-ае месца ў СССР у конкурсе аратых сярод навучэнцаў прафтэхвучылішчаў.
Найбольшага поспеху дабілася Трахімік Галіна Міхайлаўна.
- У 1976 годзе яна заняла 1-ае месца ў абласным конкурсе прафесійнага майстэрства аратых.
Выступаючы за Гарадзеншчыну ў гэтым годзе яна заняла 1 месца ў рэспубліцы.
- У 1976 годзе Трахімік Галіна заняла 1 месца ў СССР, выступаючы на ўсесаюзных спаборніцтвах прафесійнага майстэрства маладых аратых.
- Восенню 1976 года яна заняла прызавое З-е месца на міжнародных спаборніцтвах прафесійнага майстэрства маладых аратых сярод сацыялістычных краін.
- Тры гады запар: у 1976 годзе, 1977 годзе, 1978 годзе Петрушкевіч Яўген Дзмітрыевіч займаў 1-ыя месцы ў конкурсе прафесійнага майстэрства на званне "Лепшы араты".
- У 1978 годзе Петрушкевіч Яўген Дзмітрыевіч заняў З-е месца ў СССР у конкурсе аратых сярод навучэнцаў прафтэхвучылішчаў.
- У 1998 годзе Працкевіч Аляксей Яўгенавіч заняў 1-ае месца ў абласным і 2-ае месца ў рэспубліканскім конкурсах прафесійнага майстэрства вадзіцеляў аўтамабіляў сярод навучэнцаў прафтэхвучылішчаў.
- У 2007 годзе каманда ў складзе: Дрыгвалёвой Святланы, Навумчык Вольгі і Токаравай Алены занялі 1-ае месца ў абласным конкурсе прафесійнага майстэрства навучэнцаў устаноў, якія забяспечваюць атрыманне прафесійна-тэхнічнай адукацыі па прафесіі "Агароднік".
Сувязь пакаленняў
Значны ўклад у станаўленне і развіццё УА "Бераставіцкі ГСПЛ" унеслі нашы ветэраны.
На дадзены час у г.п. Бераставіца пражываюць ветэраны, якія адпрацавалі ў навучальнай установе больш за 40 гадоў:
- Дудар Л.А., Семянюк В.У., Станкевіч В.М., Талай І.А, Анішчык А.І., Сявец А.С.
Звыш 30 гадоў:
- Дудзько М.М., Белянінік Э.Б., Горбач П.А., Дубовік Л.В., Карасёва Г.А., Лазарчык І.І., Нехайчук А.А, Нехайчук Н.А., Сілкова Е.І, Якушаў В.А.
Звыш 25 гадоў:
- Акунец Г.І, Берднікава Т.І, Гарбуз Г.А., Лысенкова Т.А.
За добрасумленную і шматгадовую працу былі ўзнагароджаны:
- Горбач П.А. - нагрудным значком "Выдатнік прафтэхадукацыі СССР".
- Дудар Л.А. - нагрудным значком "Выдатнік прафтэхадукацыі СССР".
- Ерамейчык А.А. - нагрудным значком "Выдатнік прафтэхадукацыі БССР".
- Дудзько М.М. - нагрудным значком "Выдатнік прафтэхадукацыі СССР".
- Талай І.А. - нагрудным знакам "За паслугі ў развіцці прафтэхадукацыі".
Новыя гарызонты вучылішча
Першага верасня 1975 года былі адкрыты дзверы новых карпусоў вучылішча ў г.п. Вялікая Бераставіца.
"Бераставіцкае СПТВ № 37" было перайменавана ў "Бераставіцкае сярэдняе сельскагаспадарчае прафесійна-тэхнічнае вучылішча № 37".
У новым навучальным комплексе меліся:
- тэарэтычны корпус, у якім размяшчалася 14 вучэбных кабінетаў;
- грамадска-бытавы корпус, у які ўваходзілі:
- сталовая на 120 пасадачных месцаў;
- актавая зала на 250 месцаў;
- спартыўная зала;
- інтэрнат на 395 месцаў;
- бібліятэка з чытальнай залай на 50 месцаў;
- медыцынскі пакой.
У вучэбных майстэрнях размешчаныя былі лабараторна-практычныя класы:
- трактарных рухавікоў
- шасі трактароў
- рэгулявання трактароў
- сельскгаспадарчых машын
- збожжавых камбайнаў
- аўтамабіляў
- слясарны клас
- клас гусянічных цягачоў
- лабараторыя ТА
Мелася вучэбная гаспадарка. У 1977 годзе быў пабудаваны жывёлагадоўчы комплекс.
У 1978 годзе колькасць падрыхтаваных спецыялістаў перавысіла 10000 чалавек.
Педкалектывам і адміністрацыяй вучылішча вялася напружаная праца па стварэнні і папаўненні матэрыяльна-тэхнічнай базы.
Крокі 80-ых гадоў
У студзені 1985 года "Бераставіцкае ССПТУ № 37” было перайменавана ў "Бераставіцкае сельскагаспадарчае прафесійна-тэхнічнае вучылішча № 194”
За перыяд з 1954 па 1985 гады, было падрыхтавана 13104 спецыялістаў для народнай гаспадаркі
У вучылішчы ў гэты час навучэнцы атрымлівалі спецыяльнасці:
-майстар сельскагаспадарчай вытворчасці з прысваеннем кваліфікацыі трактарыста-машыніста шырокага профілю, кіроўцы аўтамабіля катэгорыі "С", газаэлектразваршчыка;
- гаспадыні сядзібы з прысваеннем кваліфікацыі майстра агародніка, швачкі, кухара.
Для навучання ў вучылішчы да гэтага часу мелася 30 трактароў розных марак, у тым ліку:
- Т - 150 - 5 шт.
- МТЗ - 80 - 7 шт.
- Гусянічныя - 8 шт.
- Т - 25 - 5 шт.
- Т - 40 - 5 шт.
- 9 аўтамабіляў
- 4 збожжаўборачныя камбайны
- сельгасмашыны розных марак.
Для адпрацоўкі практычных навыкаў быў абсталяваны аўтадром.
У 1991 годзе выпуск падрыхтаваных спецыялістаў перавысіў 15000 чалавек. Развівалася і ўмацоўвалася матэрыяльна-тэхнічная база вучылішча, інжынерна-педагагічны калектыў папаўняўся маладымі спецыялістамі з вышэйшай і сярэдняй спецыяльнай адукацыяй.
ПЕРСПЕКТЫВЫ
6.12.2000 года УА «Бераставіцкі СПТВ №194» было перайменавана ва УА «Бераставіцкае дзяржаўнае прафесійна-тэхнічнае вучылішча №194».
Да гэтага часу было падрыхтавана 17176 спецыялістаў для народнай гаспадаркі.
УА «Бераставіцкае СПТВ № 194 сельскагаспадарчай вытворчасці» забяспечвала атрыманне наступных спецыяльнасцей:
На аснове базавай школы (9 класаў) з атрыманнем сярэдняй адукацыі. Тэрмін навучання 2 гады 10 месяцаў.
1. - Трактарыст-машыніст катэгорыі А,Б,Г,Д.
- Вадзіцель аўтамабіля катэгорыі "С".
- Электрагазазваршчык.
2. – Агароднік.
- Швачка.
- Повар.
3. - Швачка 3-4 разрада.
На аснове сярэдняй школы (11 класаў). Тэрмін навучання 1 год 6 месяцаў.
- Трактарыст-машыніст катэгорыі А,Б,Г,Д.
- Вадзіцель аўтамабіля катэгорыі "С".
- Электрагазазваршчык 2-3 разрада.
З 1.09.2007 года пачалася падрыхтоўка навучэнцаў па дадатковых спецыяльнасцях:
- Вадзіцель аўтамабіля катэгорыі "B","С".
- Слесар па рамонту аўтамабілей
- Электрагазазваршчык
17.08.2008 года УА «Бераставіцкае ДПТВ №194» было
перайменавана ва Установу адукацыі «Бераставіцкі дзяржаўны сельскагаспадарчы прафесійны ліцэй».
Адначасова вялася падрыхтоўка па новых спецыяльнасцях:
- муляр 3-яга разрада
- штукатур 3-яга разрада
- абліцоўшчык-плітачнік 3-яга разрада
Ліцэй сёння
- гэта комплекс, які ўключае ў сябе:
навучальны корпус з сучаснымі аўдыторыямі, актавай і спартыўнай заламі, сталовай на 100 пасадачных месцаў; вытворчыя майстэрні з навучальнымі лабараторыямі па спецыяльных прадметах; інтэрнат на 385 чалавек, дзе размешчаны трэнажорная зала, бібліятэка з чытальнай залай на 60 месцаў, музей «Спадчына»; спартыўны гарадок, два навучальных палігона, вучэбная гаспадарка.Адукацыйны працэс ажыццяўляецца ў кабінетах, абсталяваных сучаснымі тэхнічнымі сродкамі навучання, вытворчых лабараторыях і майстэрнях. Па ўзроўню развіцця вучэбна-матэрыяльнай базы, культуры працы і вытворчай эстэтыкі кабінеты, лабараторыі і майстэрні ліцэя не раз прызнаваліся аднымі з лепшых на абласных аглядах-конкурсах. У распараджэнні навучэнцаў знаходзяцца Інтэрнэт, камп'ютарныя кабінеты.
Базамі практычнага навучання з'яўляюцца прадпрыемствы-заказчыкі кадраў.
У ліцэі створаны спрыяльныя ўмовы для развіцця і адпачынку навучэнцаў. Працуюць спартыўныя секцыі, картынг-клуб, гурткі сольных спеваў, харэаграфіі, інавацыйнай і тэхнічнай творчасці. Хлопцы прымаюць удзел у вырабе дзеючых мадэляў, макетаў, трэнажораў і іншых наглядных дапаможнікаў і займаюць прызавыя месцы на абласных і рэспубліканскіх аглядах інавацыйнай і тэхнічнай творчасці.